Kum 1963 October ni 13 ah khan Electric Veng KṬP chu din ṭan a ni a, Electric Veng Branch KṬP din tirha hruaitute chu: 

Leader: Tv. Joseph Kapkima
Asst Leader: Pu K. Thanzauva
Secy: Tv. F. Lallura
Asst. Secy: Tv. Lunghnema
Treasurer: Nl. Dengziki

KṬP inkhawm zanah hian thuhril inkhawm, sharing, Rinna Thutiam hlan leh Branch puala ṭawngṭai rual te, thupui zir hona hunte hman ṭhin a ni.
KṬP an dintirh aṭangin chawlhni chawhma inkhawm banah ṭawngṭai inkhawm neih ṭhin a ni a, biak in kan la neihloh avangin in remchang apiangah neih mai ṭhin a ni. Hun a lo kal zel a, ṭawngṭai inkhawm te pawh biak in ngeiah kan lo nei thei ve ta a.  Veng chhung kan kohhran chhungkua ah chhiat tawk an awmin, khawhar inah te pawh hman ṭhin a ni a.  KṬP member thi an awm chuan ral nan Holy Bible pek ṭhin an ni a, KṬP member Biak In hawng a innei an awm chuan Branch KṬP leh Bial KṬP in lawmpuina a hlan ṭhin. Ṭawngṭai inkhawmah hian ṭawngṭaipui ngaite member ten thawhkhawmin kan in ṭawngṭaipui tawn ṭhin a, member ten tun thleng pawhin kan hlawkpui hle a ni.

Evangelism sub committee ruahmanna hian thla tin Pathianni hmasa ber tlaiah chaw ngheiṭawngṭai neih ṭhin a ni a. Evangelical Week neih Ṭhin niin, hemi chhung hian thusawitu tesawmin hun hman ṭhin a ni a, Evangelical week kar zanah hian “Fehchhuah hun” neih ṭhin niin, NGO te thawhpuiin Aizawl khawpui chhung leh a chhehvela humsual dai leh nun kawnga harsatna tawkte koh khawmin chaw hlui buatsaih sak niin, counselling neihpui ṭhin an ni a. 

Fehchhuah programme hi 2002 aṭangin hman ṭan a ni. Home-a awm duh an awm chuan Branch hmingin enkawl zui an ni. Tun dinhmunah hian Home hrang hrangah mi pali kan Branch-in aenkawl (sponsor) mek a ni.
 
Kum 2024 Branch KṬP dinhmun :
Mipa – 585
Hmeichhia – 440
Total = 1025
 
Branch Missionary chawm zat: 43, Kraws Sipai 4 
Kristian Ṭhalai Chanchinbu lak zat : 505