Electric venga awm hmasate chu an remchan danin Dawrpui leh Chhinga veng biak inah an inkhawm mai ṭhin a. Inkhawmna a hlat deuh avangin inkhawm loh phah mai te pawh an awm awm e. Veng chhunga inkhawmna hran neih ṭul an ti ṭan a, kum 1962 Beihrual lai chuan in remchangah an inkhawm a. Beihrual a tawp chuan an lawina biak in lamah an inkhawm leh mai a. 

Dawrpui bialtu Pastor an rawn hnuah, ni 21.9.1963 aṭang chuan, Beihrual chhung chauh pawh ni loin, Preaching Station hming puin an inkhawm hrang ṭan ta a. Chhinga Veng Kohhran chuan enkawltu chan rawn chang nghalin, Preaching Station-a hruaitu tur pawh a rawn ruat a. Hruaitu ruatte chu Ni 1.10.1963-ah an inhmukhawm a, Puipa tur ‘Committee’ an ruat a. Preaching Station nih chhung hian Committee dang pawh siam a ni. Hetih chhung hian Primary Sikul-ah an inkhawm ṭhin.

Electric venga inkhawm hran ṭan ni, ni 21.9.1963 hi Electric Veng Presbyterian Kohhran din ṭan ni-ah pawm a ni a. Ni 11.11.1965-ah Kohhran puitling-a hlankai a ni ta a ni.

ENGLISH:

The early settlers of Electric Veng attended church services at Dawrpui and Chhinga Veng, according to their conveniences. The considerable distance to these churches often discouraged attendance. Recognizing this, a desire for a dedicated church within the locality emerged. During the Beihrual of 1962, makeshift services were held in various homes. However, with the conclusion of the Beihrual, these localized services ended.

After consultation with the Pastor of Dawrpui Pastorate, the first dedicated service was conducted on 21st September 1963. This event not only persisted beyond the Beihrual but also signaled the inception of a new preaching station. The Chhinga Veng Church assumed responsibility for overseeing the preaching station, appointing leaders to guide it. These leaders convened on 1st October 1963 to establish a formal committee to govern the new preaching station, alongside other necessary committees. Initially, services were held at the local primary school.

The 21st of September 1963, the date of the first church service in the locality, is celebrated as the founding day of the Electric Veng Presbyterian Church. The church attained full-fledged status on 11th November 1965.